الحلقة الرابعة عشر
~~~~~~~~~~نغم نايمة علي السرير ..
تقوم تفتح الشبااك وتوقف تبص للسما ..
تفتكر اللي حصل مع ياسين ....
تقوم تفتح الشبااك وتوقف تبص للسما ..
تفتكر اللي حصل مع ياسين ....
ياسين " نغم .. انا لو طلبت منك اى حاجة هتوافقى ؟؟."
نغم " مممممم .. حاجة زى ايه ؟؟ "
ياسين " يعنى ..حاجة كدة .. هتوافقى ولا لأ ؟؟ "
نغم " اعرف الاول حاجة ايه ؟ "
يقرب منها ياسين ويحاول يبوسها ...
تبعد نغم عنه بسرعة وترش اسبراى مخدر ف وشه ..
يوقع ياسين علي الارض ..
ياسين واقع عالارض ومش قادر يتحرك .. بيحاول يقوم بس مش قادر ..
نغم يكون معاها حبل صغير تربط ايده جامد ...
نغم " احم احم .. شكلك حلو اوى كدة وانتا مربوط "
ياسين بيحاول يتكلم بس مش عارف ...
نغم " المهم بقي ... انا عارفة الخطة من الاول .. يعنى البنات اللي ضحكت عليهم والمحضر اللي اتعملك مرة عشان المخدرات .. اوعى تفتكر ان انا بنت سهلة .. ده انا اسكندرانية .. يعنى اعلم 10 زيك الاحترام ... "
تمسك نغم احمر شفاه و وتحط لـ ياسين منه ..وتمسك الموبايل وتصوره ..
نغم " تصدق شكلك حلو اوى بالروج ده ... لايق تكون بنت اكتر .. لا تصدق .. انتا اصلا عمرك منا كنت راجل ..
ياسين " والله لتدفعى تمن اللي انتى عملتيه ده غالي اوى .."
نغم " مممممم ... لا لالالا بس احسن انا بخاف .. "
ياسين " هنشوف يا نغم انا ولا انتى "
نغم " لا انتا مش هتلحق تشوف اصلا .. اصل انا بلغت عنك .. والبوليس زمانه جاى ... "
ياسين " وهتقوليلهم ايه ؟؟.. حاول يبوسنى ؟؟.. لاحظى ان ف وضعى ده انا الضحية ... "
نغم بتضحك بهستيرية " لا انتا ما تعرفش ان انا نقلت كل الفيديوهات والتسجيلات اللي علي الموبايل عندك .... معلش بقي انتا اللي غبى وسايب ادلة كتير اووى علي موبايلك ...البنات اللي معرفوش ياخدوا حقهم منك انا سلمتهم دليل ادانتك .. ااه وفي تقريبا حوالى 3 بنات غيري قدموا محاضر ضدك .. هتوحشنى اووى بجد ... "
********************
نادر يكلم فريدة ...
فريدة " مش بترد ليه ؟؟"
نادر " في ايه يا فريدة ؟؟!! ... كنت نايم .. عايزة ايه ؟؟ "
فريدة " نايم !!!!! .. انتا بتهزر صح ؟؟... انا مستنياك تكلمنى من بدري وسيادتك نايم .. "
نادر" اعمل ايه يعنى يا فريدة .. كنت تعبان اوى ونمت .."
فريدة " وانا بردو تعبانة اوى ومش عايزة انام عشان مش عايزاك تتصل وتلاقينى نايمة .. "
نادر " ومانمتيش ليه يا فريدة .. انا ما طلبتشمنك انك تفضلى صاحية "
فريدة" عندك حق .. انا غلطانة اصلا .. "
***************
فريدة بتكلم عمر ومريم جمبها ..
فريدة " يا عمر اللي انتا بتقوله ده صعب .. اولا لو عايز مريم ومتمسك بيها جدا يبقي تحاول تراعى الظروف الحالية .. ثانيا انتا اتكلمت ف الموضوع ده وانتا عارف كويس اوى ان خالى مش هيقبل بجواز ف السن ده .. يبقي ليه بقي بتعقد الامور ؟؟. "
عمر " بعقد ايه يا فريدة ؟؟.. انا عايز اتجوزها علي سنة الله ورسوله .. ده غلط يعنى ولا حرام .. وبعدين سن ايه ده اللي بتتكلمى فيه ؟؟.. البنات عندنا بيتجوزوا اصغر من كدة .."
فريدة " ممممم بس مريم مش من عندكوا .. وانتا عارف كويس انها مش هتتأقلم علي العيشة هناك .. بلاش تتسرعوا عشان ما تحصلش مشاكل كبيرة .. "
عمر " والله هيا عارفة كدة من الاول وعارفة ان انا عايز اتجوزها .. هيا ما قالتش ليه من الاول ان اهلها مش هيوافقوا ؟. "
فريدة " لانها ما توقعتش انك تطلب منها الجواز علي طول .. وبعدين دى بنت ونفسها تعيش فترة الخطوبة دى .. يعنى فيها ايه لو تعملوا خطوبة سنتين كدة ؟؟ "
عمر " لا انا مش هعمل خطوبة .. انا هتقدم لها ونتجوز علي طول .. "
فريدة " بلاش تعاند .. محدش هيوافق بكدة .. "
عمر " والله انا عايز اتجوزها علي سنة الله ورسوله .. وهبدأ معاهم بداية صح .. انا هكلمهم واحددمعاد واقابلهم .. وبيتهيألى ان محدش يكره ان كل حاجة تبقي قدامهم .. "
فريدة " يا عمر .. بلاش انا عارفاهم كويس والموضوع هيتعقد اكتر من كدة ... "
عمر " معلش يا فريدة بيتهيألى دى حاجة خاصة بينا واحنا نحلها سوا .. "
فريدة " خلاص براحتكوا .. اعملوا اللي انتوا عايزينه "
*****************
اروي وخالد بيتكلموا ..
خالد " ياه كل ده نغم ساكته عليه ؟.. دى طلعت اقوى مما كنا مخيلين .."
اروى " ااه .. دى وهيا يتحكيلنا كنا بجد مصدومين من اللي بنسمعه .. اول مرة يتقابلوا سابها شوية وكانت سايب التليفون مفتوح والفيديوهات اللي موجودة علي تليفونه فظيعة .. البنات اللي ضحك عليهم والمكالمات اللي متسجله عنده .. ايه ده ؟؟.. في حد كدة ؟؟.. "
خالد " وانتى شفتى الفيديوهات دى ؟؟ .."
اروى " لا طبعا .. مش كلها .. "
خالد " مش كلها ؟؟!!!!!!! .. يا سلام ؟؟.. طيب يا اروى .. ماشى .."
اروى " ههههههههههه ايه يا حبيبى ؟؟.. عادى يعنى ؟؟. "
خالد " لا مش عادى .. وبعدين خلاص بقي بلاش كلام ف الموضوع ده تانى ... المهم انه عدى علي خير و محصلتش حاجة .."
اروى " ااه انا بحمد ربنا ان نغم ما كانتش بين الفيديوهات دى "
خالد " ااه .. انتى هتسافري امتى ؟؟ "
اروى " بكرة ان شاء الله .. خلاص بقي الاجازة خلصت .. للاسف "
خالد " للاسف ؟؟!! ... دى اجازة طويلة اووى ... انا بقول بلاش تسافري اسكندرية دى تانى .. "
اروى " يا سلام ؟؟.. ليه بقي ان شاء الله ؟؟؟ ."
خالد " عشان بتبعدك عنى ... بتوحشينى اووى .. "
اروى " احم احم .. ايه ؟؟ "
خالد " ايه ؟.. بقولك بتوحشينى .. "
اروى " طيب .. "
خالد " طيب ؟!!.. ماشي يا اروى .. "
*****************
مريم واروى يسافروا القاهرة مع عمهم ..
فريدة ترجع بيتها تانى ..
هناء " فريدة .. خالك كلمنى وبيقول ان نادر عايز يتقدملك .. "
فريدة " ايه ؟؟!!! .. امتى ده ؟؟ "
نتقابل الحلقة الجاية
يا رب تعجبكوا
ليست هناك تعليقات:
إرسال تعليق