الــمــراهــقــات (الحلقة السادسة عشر)

الحلقة السادسة عشر
~~~~~~~~~~
يوصلوا كلهم عند هناء و محمد ( اهل فريدة ) ...
يكونوا ف انتظارهم ..
هناء ومحمد .. واحلام و احمد (اخوات فريدة )
يسلموا علي بعض بحميمية جداا ...
يتكلموا مع بعض كلام عادى .. وبعدين يبدأوا يتكلموا عن الخطوبة ..

ممدوح " طبعا يا محمد احنا مش محتاجين كلام ف المموضوع ده .. انتا عارف من الاول ان فريدة ونادر ف الاخر لبعض .. "

محمد " والله انا ما اتكلمتش ف حاجة .. فريدة اصلا دى بنتكم انتوا .. ده انا طول الاجازة مش بشوفها هنا اصلا .. وبعدين ده انتوا جايبينها معاكوا اهو عشان تطلبوا ايدها . "

ممدوح " اااه انتا عارف دول عيالنا .. واحنا مش هنعترض علي اي حاجة .. ده قرارهم .. وهما اللي اختاروا بعض .. "

محمد " انا عارف ان نادر طيب اووى وهيحافظ عليها .. "

ثريا " ما تقلقش عالبنت طبعا وهيا معانا .. دى فريدة حبيبتى .. ده انا يجرالى حاجة لو اتجوزت واحد غير نادر .. "

هناء " اكيد يا ثريا .. بس ان شاء الله كدة ربنا يسهل ونبقي نعمل ف الاجازة خطوبة وكدة .. "

ممدوح " والله انا كنت عايز نجيب دهب دلوقتى ونقرا فاتحة وخلاص.."

ثريا " لا طبعا ما ينفعش .. اخواتى يزعلوا طبعاا .. ينفع يعنى نخطب ونقرا فاتحة ودهب من غير خلانه ؟؟ ؟."

محمد " ان شاء الله بس ربنا يسهل .. "

ممدوح " خلاص احنا نخليها على الاجازة الجاية ان شاء الله .. يعنى يكون حتى هوا خلص سنة تانية جامعة وفريدة كمان تكون استقرت كدة ف الدراسة ... "

هناء " ان شاء الله ... "

محمد " ربنا يقدم اللي فيه الخير .. "

                  *******************

بعد 7 شهور .....

البنات مع بعض ف اوضة نغم .. 

فريدة " اااااه .... "

اروى " هههههههههههه .... مالك ؟؟.. "

مريم " ده الحب يا بت ... اصل الحب هيجننها  .."

نغم " ااه .. بتتكلم مع نادر براحتها بقي ... ههههههههه .. "

تقوم فريدة.. تمسك المخدة وتضرب البنات ....

اروى " هههههههه .. الله حد قالك ياختى توافقى عليه ...  انا قلتلك من الاول اخويا مش وش حب .. "

نغم " طيب احنا مالنا بقي ؟؟ ... ااه يخربيتك بتوجع .. "

مريم " بنت انتى وهيا محدش يتكلم كدة علي اخويا .. "

فريدة " خليهولك يا مريم .. اشبعى بيه .. خلاص مش عايزاه .."

اروى " ايه اللي حصل تانى ؟؟ "

فريدة " زى اللي حصل اولانى بالظبط ... "

نغم " هوا لسة مش بيتكلم معاكى ؟؟ "

فريدة " مش بيتكلم بس ؟؟.. دة مش بيعمل اي حاجة خالص ... حتى الرسايل ... "

نغم " طيب وانتى ايه اللي جابرك علي كدة ؟؟. "

فريدة " مش عارفة يا نغم .. مش عارفة اتصرف ازاي اصلا ... ف الاول كان كويس معايا وهوا اللي بدأ الكلام ... وبعدين قالى مش هينفع نتكلم الا لما نتخطب .. وبعد ما اتكلموا ف الموضوع ده وقالوا هيعملوا خطوبة  قريب ... الموضوع اتاجل ... ودلوقتى الناس كلها عارفة اننا مخطوبين رسمى .. الا هو .. "

اروى " والله انا ما عارفة اقولك ايه ؟؟.. هوا فعلا بيستهبل .. فعلا الناس كلها شايفة اتنكوا مخطوبين .. مش عارفة ليه هوا مش مقتنع بكدة ؟؟.؟. "

فريدة " لما قلتله لو الخطوبة بالنسبالك دبلة ف ايدنا يبقي يكلم خالى ونجيب دبل وخلاص .. بس انتى عارفة يقولى ما ينفعش وكمان طنط ثريا تقول ما ينفعش كدة وانها عايزة تعمله فرح كبير .... طيب انا ذنبى ايه بقي ؟؟ "

مريم " طيب ما انتى عارفة اللي فيها ... وبعدين محدش ضربك علي ايدك .."

فريدة " صح يا مريم محدش ضربنى علي ايدى .. بس هوا طالما مش عايز يبقي مسئول ليه اتكلم من الاول وقال انه عايز يتقدملى ؟؟.. "

نغم " الواد ده في حاجة غريبة ... مش معقول يعنى مرة واحدة كدة يقلب 180 درجة ... مش ممكن يكون يعنى يا فريدة .. يعنى يكون عرف حد تانى من الكلية ؟؟ .."

فريدة " مش عارفة يا نغم .. بس يا ريت لو عرف حد تانى وخلاص مش عايز الموضوع ده يبقي يقولى احسن بدل ما هوا معلقنى معاه كدة .. "

اروى " يعنى انتى عايزاه يجى يقولك انا بحب واحدة تانية يا فريدة ومش عايز اكمل معاكى ؟؟.."

فريدة " يا ريت يكون عنده الشجاعة انه يقول كدة عالاقل هعرف راسي من رجلى ... "

مريم " الموضوع مش هيبقي سهل يا فريدة انك تسيبى حد بتحبيه .."

فريدة " خلاص يا مريم انا زهقت بجد .. كل يوم بيخلينى اكره اكتر واكتر .. تخيلى اننا فضلنا 3 شهور ما نتكلمش خالص .. مش بيسال عليا خالص ولا بيرد حتى علي اتصالى ... وبعد ال3 شهور اتصل بيا وقالي (( عاملة ايه وايه الاخبار .. معلش انا مشغول دلوقتى ولما اروح البيت هكلمك )) وبعدها طبعا ما اتصلش تانى .. زى ما يكون بيفكرنى بس انه موجود .. مع ان ما بقاش ليه وود ف حياتى خالص .. هوا بس قال اكلمها احرق دمها شوية .. "

نغم " معلش يا فريدة .. "

اروى " طيب ما اتكلمتيش ليه انتى معاه ... كنتى قلتيله علي كل ده ..اتصلى بيه وقوليله كل اللي ف قلبك ... "

فريدة " حاولت كدة ف الاول لما كان بيسال شوية .. لما كنا نزعل مع بعض ونرجع نتكلم تانى .. لما احاول اتكلم واقول كل اللي ف نفسي يقولى انسى اللي حصل ونتكلم كان مفيش حاجة حصلت اصلا .. اقوله عالاقل عشان كل واحد يعرف ايه اللي بيضايق التانى وما يحاولش يكرره .. يقولى ان انا نكدية وبعكنن عليه وعايزة اتخانق وخلاص .. انا خلاص زهقت من العتاب اصلا وزهقت انى مش مسموعة خالص .. "

نغم " خلاص يا فريدة بجد .. قوليله ده كله .. اعرفى انتى ايه نظامك معاه .. يا ستى اعملى زى دستور بينكوا كدة .."

فريدة " دستور ايه بس يا نغم ... هوا احنا هنحط قوانين للعلاقة بينا ولا ايه ؟. ؟"

اروى " يبقي خلاص سيبك منه احسن بقي ... قوليله ان خلاص الموضوع انتهى ..:"

مريم " والله الموضوع مش سهل كدة .. انا تعبت اووى يا فريدة بعد ما انا وعلي سيبنا بعض .. انا مش عايزاكى تتعبي زيي كدة ؟؟.."

فريدة " بس انا مش زيك يا مريم .. انتى وعلي كان الموضوع بالنسبالك جه مرة واحدة .. يعنى كنتى معاه امبارح والنهاردة مش معاه .. اما انا ف هوا اصلا مش معايا من زمان ... هوا كان بيبعد واحدة واحدة لحد ما مسح نفسه من قلبي اصلا .. "

نغم " يعنى خلاص يا فريدة .. هتسيبيه ؟؟ "

فريدة " ااه .. هتكلم معاه .؟.. هوا فين دلوقتى ؟.؟.. "

اروى " جوه ف الاوضة ..."

فريدة " طيب روحى يا مريم قوليله انى عايزة اتكلم معاه شوية .."

مريم " حاضر يا فريدة ... بس فكري كويس ف الكلام اللي هتقوليه..."

To Be Continued

وحشتونى اوووووووووى بجد ...

مستنية ارائكوا بقي عشان اكمل ..