حبة الفراولة #10

الحلقة العاشرة 

* * * * * * * 

تجلس هالة بشقتها منتظرة حسن , و بعد ساعات من التفكير و البكاء , تشعر بألم شديد , و يزداد بكائها , تحمل هاتفها و تتصل بحسن و لكن دون جدوى , ثم تفكر قليلا فتتصل بـ حسناء , فتجيب حسناء سريعا ..

حسناء : الو ..

هالة : حسناء .. انا تعبانة اووى .. عايزاكى حالا

حسناء : طيب ايه اللى حصل ؟؟

هالة : مش عارفة .. آآآه

حسناء : طيب انا جاية حالا ....

تصل حسناء الى شقة هالة , و تتصل بالمستشفى ... و بعد ان تعلم ان حسن لا يجيب على اتصالات هالة .. ترسل اليه رسالة نصية ...

" حسن .. انا كنت غلطانة .. انت ما تستحقش فرصة تانية اصلا , و انا ندمانة انى قولتلك هنرجع زى الاول , اللى يهمل مراته و ابنه ده ما يستحقش اصلا اى فرصة , مش عايزة اعرفك تانى يا حسن , علاقتى دلوقتى مع هالة و بس , و انت مش هعتبرك حتى جوز صاحبتى "

تقف حسناء امام الغرفة بالمشفى و الدكتور مازال يفحص هالة , يصل حسن و هو يلهث , يقف امام حسناء فتتجاهله , يلمس يدها و يسألها " ماذا حدث "

حسناء : انت ايه اللى جابك ؟؟

حسن : مش عايزانى اجى يعنى ؟

حسناء : مالهاش لازمة انك تيجى , انا كنت مسافرة و لما هالة كلمتنى جيت على طول , وانت بقي ايه حجتك انك مش بترد على التليفون ؟؟

حسن : حسناء مش وقته الكلام ده

حسناء : امتى وقته ؟؟ , لما ابنك يموت ف بطنها و لا لما مراتك يحصلها حاجة , فوق يا حسن دول مسئوليين من و انت اللى هتتحاسب عليهم لو حصل اى حاجة , كفاياك بقي اللى انت فيه , انت مش هتشوفنى تانى بعد ما هالة تقوم بالسلامة , و يا ريت ما تحاولش تكلمنى اصلا , انت ما تستحقش حتى اننا نبقي اصحاب ..

تسير حسناء مبتعدة عن حسن , فيمسك يدها ..

حسن : .. حسناااء ....

حسناء : يا خسارة يا حسن .. مش انت الشخص اللى انا حبيته

يخرج الدكتور من الغرفة , فتذهب حسناء فى اتجاهه فى لهفة ..

حسناء : خير يا دكتور ؟؟

الدكتور : خير ان شاء الله , مجرد ضغط عصبى سبب تشنجات فى الرحم , ده عادى ف الشهور الاولى من الحمل , بس الضغط شديد عليها و ضغطها عالى جدا , و ده خطر جداا على الجنين , لازم ترتاح كويس و ما تعملش اى مجهود , و طبعا الراحة النفسية اهم حاجة ف شهور الحمل .

حسن : الجنين كويس ؟؟

الدكتور : الحمدلله , الجنين كويس و حجمه طبيعى , ما تقلقش

حسناء : شكرا يا دكتور تعبناك معانا

الدكتور : العفو .. ده واجبى

يدخل حسن و حسناء الى غرفة هالة , تعتدل هالة فى جلستها , تنظر الى حسن و تملئ الدموع عيناها .. 

هالة : ايه اللى جابك دلوقتى ؟؟ .. ايه جاى تتطمن على ابنك اللى ف بطنى ولا ايه ؟؟

حسناء : اهدى يا هالة .. مش كدة .. عشان صحتك 

هالة : خليه يطلع برا يا حسناء . مش عايزة اشوفه 

حسن : للدرجادى يا هالة ؟ .. هو انا بقيت وحش اوى كدة .. انتوا الاتنين مش عايزين تشوفونى , عموما انا مش جاى اتعبك , انا همشى يا هالة , بس بعد ما اتطمن عليكى , انا خليكى تروحى تقعدى عند والدتك اليومين دول لحد ما تهدى , و هستنى منك تليفون تقوليلى انك بقيتى كويسة و ساعتها رجع البيت , انا مش هدخل البيت ده غير و انتى ف ايدى .. عن اذنكوا .. 

يغادر حسن الغرفة ... تنهار هالة فى البكاء فتلقى بنفسها الى احضان حسناء ..

هالة : شوفتى يا حسناء .. هيبعد تانى .. عايز يمشى و يسيبنا , انا عملتله ايه عشان يعمل فيا كل ده , انا خلاص ما بقيتش عايزاه اصلا , عايزاه يطلقنى مش عايزة اعيش معاه تانى ... 

حسناء : اهدى يا هالة .. مش كدة 

تنضم اليها حسناء ف البكاء لا تعلم ان كانت تبكى على وضع هالة ام تبكى لانها لن ترى حسن بعد اليوم , اتبكى شفقة على هالة ام غيرة منها , تعلم جيدا انها قالت كلمات قد لا تتراجع فيها و انها ستضطر ان تبتعد عن حسن نهائياً من اجل مصلحة الجميع .. حسن و حسناء لا يمكن ان يلتقياا مجددا , انها نهاية الطريق ...

* * * * * * * 

تسافر حسناء الى الاسكندرية , و تذهب هالة الى بيت والديها لتقضى فترة الحمل , و قد اخبرتهم ان حسن مسافر خارج البلاد و لا يمكنها ان تمكث وحيدة فى المنزل خوفا من ان يصيبها شئ فى أشهر الحمل الاولى .. 

اما حسن فذهب الى شقة ماجد صديقه القديمة , بشرط ان لا يعلم اى شخص مكانه . 

خمسة اشهر تمر سريعا و لم يتقابل ثلاثتهم فى اى مكان , كان كل منهم اغلق على نفسه صندوق اسود كبير تحول جدرانه الرؤية عن العالم الخارجى . 

الى ان يأتى اليوم المنتظر .. 

اتصال هاتفى فى منتصف الليل .. ضوء خافت يظهر من شاشة الموبايل و فتاه نائمة , تستيقظ رويدا لتحمل الهاتف المحمول بين يديها , و تجيب على المصل .. 

حسناء : الو .. 

* * * * * * * *

غرفة فى مستشفى خاص .. و اناس كثر يقفون فى لهفة شديدة و تبدو على وجوههم ملامح التوتر و الخوف , و بعد ساعتين لم يتغير بهم شيئا سوى عقارب الساعة , و ازدياد دقات القلوب .. تصل حسناء الى المستشفى و هى تلهث .. تجد فتاه تقف مستندة الى الحائط .. تذهب فى اتجاهها .. 

حسناء : ايه الاخبار ؟؟ 

........ : لسة فى اوضة العمليات و مش عارفين اى حاجة خالص ... 

يتبع