ارواح عــاريــة #3

الحلقة الثالثة :::

----------------

وبعد ان ترتدى ريم ملابسها وتتجه ناحية الباب .. 

تفتح الباب لتسمع اصوات اشخاص يتحدثون كأنهم فى خناقة ما ..
وفجأة ترى امرأة تنزل مسرعة على السلم ...
تشعر ريم بالخضة والفزع وتدخل الى الشقة سريعا وتغلق الباب ...
تقف وراء الباب فى ذهول ودهشة ...
( مين دى ؟؟... دى نفس الست اللى بحلم بيها ... يا ترى تكون مين دى ؟... انا ليه اتخضيت لما شوفتها ؟؟... انا لازم اعرف هيا مين .. انا هروح اكلمها ... بس هقولها ايه ؟ .. مش مهم .. هسالها هيا مين عالاقل ابقي عرفت اى حاجة ..)
وفعلا تقرر ريم ان تذهب وراء تلك المرأة ...
وتفتح الباب مسرعة لتلحق بالسيدة ...

ولكنها تتفاجأ بـالشخص الذى رأت صورته فى الشقة ..
وصوت شهقة عاليا تكاد تسمع من على بعض امتار ... تتراجع الى الخلف فى خوف مصاحب بمفاجأة او اقرب الى الفزع ..

تقع على الارض بسبب تراجعها مرة واحدة ...

يجرى الشاب عليها ليساعدها ...

عمر : انتى كويسة ؟؟

ريم : ااه ...

وبعد ان يساعدها على النهوض ويجلسها على كرسى قريب ...

ريم : انا لازم امشى ...

عمر : تمشى تروحى فين ؟؟

ريم : انتا مين اصلا ؟؟.. وانا جيت هنا ازاى ؟؟

عمر : طيب ممكن تهدى وانا هشرحلك كل حاجة ..

ريم : انا لازم امشى .. 

عمر : اصبرى بس .. هتمشى تروحى فين ؟

ريم : انا عندى شغل ..

عمر : شغل؟!! ... هوا ده اسمه شغل ..

ريم : قصدك ايه ؟؟...

عمر ( بعد ان اخرج نقودا من جيبه ) : لو على الشغل الفلوس اهى ... بس انتى مش هتمشى من هنا ...

ريم : انتا ازاى تكلمنى بالطريقة دى ؟...

عمر : بس بقي .. اهدى شوية عشان اعرف افهمك كل حاجة ..

ريم : مش عاريزة افهم حاجة اصلا .. 

عمر : استنى بقي ...

كانت ريم فى اتجاهها للباب وكانت مندفعة جداا بسبب عصبيتها ...

يشدها عمر من يديها ويعيدها على الكرسى .. لتنتفض بشدة اثر ارغامها على الجلوس .. ودفعها بقوة ...

عمر : انا كل ده بتعامل باحترام عشان خاطر ميسرة .. انما كلمة زيادة هعرفك شغلك ..

ريم : ميسرة ؟؟... انتا تعرف ميسرة ؟؟

عمر : ده اللى بحاول اقوله من الصبح .. ممكن تهدى بقي عشان افهمك كل حاجة ..

ريم : اتفض اتكلم ...

عمر : هتكلم وانتى متعصبة كدة ؟؟... انا هقوم اجيبلك عصير ... يا ريت تهدى شوية عشان نعرف نتكلم ..

ريم : انا مش عايزة حاجة .. انا بس عايزة افهم ..

عمر : وانا مش هتكلم الا لما تهدى ...

ويتركها عمر ويحضر لها عصير ...

وبعد ان تهدأ قليلا يبدأ فى سرد القصة ..

عمر : اولا يا ستى انا اسمى عمر .. بشتغل محامى .. او بمعنى اصح .. كنت .. وانا اعرف ميسرة .. اتعرفت عليها من كام شهر .. و امبارح انا كنت عندها ف الكبارية وانتى وقعتى .. طلبت منى انى اخدك عندى هنا لحد ما الامور تهدى .. لان تقريبا كدة فى واحدة مش فاكر اسمها عايزة تلبسك مصيبة كبيرة ..

ريم : واحدة مين دى ؟؟....

عمر : مش عارف يا ريم ...

ريم : انتا عرفت الاسم ده منين ؟؟

عمر : انا اسف .. بس ميسرة قالتلى .. انا عارف انك مش عايزة حد يعرف الاسم ده بس صدقينى محدش هيعرف خالص ..
ريم : ممممم واضح .. كفاية انك انتا عرفت ..
عمر : انا كان لازم اعرف .. لان مش هينفع انى احميكى هنا وانا مش عارف اسمك 

ريم : طيب انتا تعرف ميسرة منين ؟

عمر : مش مهم تعرفى منين .. المهم انى اعرفها وهيا وصتنى عليكى جداا .. شكلها بتحبك اووى وعايزة تنقذك من حاجة 

ريم : تنقذنى من ايه ؟؟

عمر : مش عارف والله .. هيا ما قالتش حاجة غير انى اخليكى عندى كام يوم لحد ما الدنيا تهدى ..

ريم : بس انا مش هفضل هنا .. انا همشى حالا 

عمر : طيب ممكن تهدى وانا هخليها تكلمك وافهمى منها كل حاجة ...

ريم : لا انا همشى ...

عمر : طيب كلميها الاول وبعدين اعملى اللى انتى عايزاه ..

وبعد تفكير للحظات وافقت ريم ..

                      --------------------------

فى التاكسى ....

محمود : ممكن افهم يعنى اخرة اللى انتى بتعمليه ايه ؟؟

سهير : ولا اخر ولا اول .. انا لا يمكن ارجع البيت ده تانى ..

محمود : يعنى ايه مش هترجعيه ؟؟... انتى لازم ترجعى .. دة بيتنا ..

سهير : لا مش بيتنا ... اكيد الراجل اللى احنا ظلمناه ده هوا اللى بيعمل كدة ....

محمود : طيب اسكتى بقي لحد ما نوصل البيت .. مش ناقصين فضايح هنا كمان ..

فى منزل عمر ..

مكالمة بين ميسرة وريم 

ريم : ميسرة انا عايزة افهم كل حاجة حالا ..

ميسرة : انا مش هقدر اشرحلك اى حاجة دلوقتى خالص .. خليكى عند عمر اليومين دول وانا هبقي اجيلك قريب .. بس خليكى واثقة انه هياخد باله منك كويس اوى ..

ريم : ومين عمر ده كمان ؟.. انا مش فاهمة حاجة خالص يا ميسرة .. ارجوكى فهمينى ايه اللى حصل ..

ميسرة : كل اللى هقدر اقولهولك دلوقتى انك لو رجعتى البيت او الكباريه هتحصل حاجات كتير مش كويسة وممكن حياتك كلها تضيع بسبب مى ...

ريم : طيب  يا ميسرة .. بس مقيش اى مكان تانى افضل فيه غير هنا ؟؟

ميسرة : معلش يومين بس وانا هظبطلك مكان تانى بعيد عن ايد مى ..

ريم : طيب .. صحيح يا ميسرة نسيت ...

ميسرة : ايه ؟؟..

ريم : انا شوفتها ...

ميسرة : هيا مين دى ؟...

ريم : الست اللى بحلم بيها .. 

ميسرة : بجد ؟... يعنى طلعت موجودى ف الحقيقة ... طيب عرفتى هيا مين ؟؟

ريم : لا مالحقتش اكلمها .. كانت نازلة على السلم ف نفس العمارة اللى انا فيها دلوقتى ..

ميسرة : طيب كويس .. يبقي اكيد هترجع تانى .. استنيها و ابقي اساليها هيا مين وتعرفيها ولا لا ...

ريم : يا ريت اشوفها تانى .. بس مش عارفة ليه قلبي اتقبض لما شوفتها ..

ميسرة : طيب ما حاولتيش تفكرى تعرفيها منين ؟؟.. انتى اكيد تعرفيها من قبل كدة .؟.

ريم : اكيد .. بس فين مش عارفة ؟..

ميسرة : الخبر النهاردة بفلوس بكرة يبقي ببلاش .. ابقي اساليها لما تشوفيها تانى ..

ريم : ماشى ؟... بس عايزة اعرف مين عمر ده وتعرفيه منين ؟

ميسرة : مش لازم تعرفى دلوقتى .. انا هبقي اقولك بعدين ..معلش يا ريم انا لازم اقفل دلوقتى ...

ريم : ماشى .. ابقي كلمينى تانى ..

ميسرة : حاضر .. سلام ..

ريم : سلام ..

                       -------------------------

سهير : اكيد هوا اللى بينتقم مننا .. 

محمود : هوا مين يا مخبولة انتى .. الراجل مات من زمان ..

سهير : روحه .. اكيد روحه بتنتقم مننا..

محمود : روحه تانى ؟؟... انتى طلعتلى بموضوع الارواح ده منين ؟؟...

سهير : امال مين اللى بيعمل كدة ؟؟.. 

محمود : تلاقى حد تانى عايز يخوفنا من البيت وبس ..

سهير : ومين بقي اللى هيخوفنا من البيت ؟؟ ... ومين له مصلحه ف كدة ؟؟

محمود : ...............................

تتبع ...