ارواح عــاريــة #10

الحلقة العاشرة
-----------------
فى الكباريه ..
ميمى وميسرة
ميسرة : هوا مفيش اخبار عن ريرى ؟؟
ميمى : لو تعرفى انتى اخبار قوليلى ...
ميسرة : و انا هعرف منين ؟؟.. انا مش بروح حتة خالص غير هنا ف الكباريه
ميمى : ما هى اكيد كلمتك ؟؟
ميسرة : و لو كلمتنى هسالك يعنى يا معلمة ؟؟
ميمى : بس انا عرفت انا هلاقيها ازاى ...
ميسرة : ازاى يا معلمة ؟؟؟؟؟؟؟؟؟؟؟؟؟؟
ميمى : لا مش لازم تعرفى ازاى .. بس احب اقولك انى خلاص لقيتها و عرفت مكانها بس مستنية اقطع الايد اللى اتمدت لها و ساعدتها انها تهرب منىّ ..
ميسرة : قصدك ايه يا ميمى ؟؟
ميمى : بكرة تعرفى .. روحى دلوقتى ناديلى العمدة من الصالة
ميسرة : حاضر يا ميمى ..


و بعد ان يدخل العمدة ( عماد ) الى ميمى ..
ميمى : سيبينا لوحدنا يا ميسرة ..
و تغادر ميسرة وفى عقلها الف سؤال بدون جواب ...
ميمى : اقعد يا عمدة وقولى عملت ايه ؟؟
العمدة : جبتهوملك من الاخر يا معلمة .. طلعت اللى اسمها ميسرة دى لعباها صح اووى .. لا وايه بتخلى رجالتنا يشتغلوا لحسابها ..
ميمى : ازاى يعنى .. فهمنى كل حاجة من الاول .


فى منزل عمر ..
ريم تتحدث فى الهاتف ..
ريم : محتجالك اووى يا دكتور .. عايزة اشوفك
الدكتور : فى جديد يا ريم ؟؟
ريم : جداا .. فى حاجات كتير اووى حصلت لازم تعرفها
الدكتور : طيب . انا لازم اشوفك يا ريم
ريم : و انا كمان عايزة اشوفك .. انا افتكرت حاجات كتير اووى مكنتش عايزة افتكرها
الدكتور : طيب دى حاجة كويسة ..
ريم : لا يا دكتور ... مش حاجة كويسة خالص .. انا تعبانة اوووووى .. محتاجة اتكلم معاك ..
الدكتور : طيب تعالى النهاردة .. انا هستناكى ..
ريم : مش عارفة هقدر اجى ولا لأ .. بس هحاول ..
الدكتور : وانا هستناكى فى اى وقت
ريم : شكرا يا دكتور ... انا لازم اقفل دلوقتى .. مع السلامة
الدكتور : مع السلامة .. خدى بالك من نفسك


فى منزل سهير
محمود : بتعيطى ليه دلوقتى يا سهير ؟؟
سهير : بنتى وحشتنى اووى يا محمود .. نفسى اشوفها .. نفسى اخدها ف حضنى ..
محمود : ادعيلها بالرحمة يا سهير .. بنتك عند الاحسن منى ومنك
سهير : غصب عنى .. بنتى ماتت ف عز شبابها .. ما اتهنتش بحياتها خالص ... و النهاردة عيد ميلادها .. من حقى ازعل عليها ..
محمود : من حقك ما قولناش حاجة .. بس العياط مش هيرجع اللى راح .. قومى صلى وادعيلها ..


فى الكباريه ..
ميمى : كل ده يطلع من البنت دى .. وانا اللى فكراها غلبانة ..
العمدة : مفيش حد غلبان خالص يا معلمة .. دى من غباءها رجالتنا لصالحها .. بس طلعوا رجالة و قالولنا على كل حاجة
ميمى : و احنا بعد كدة اللى نفذنا كل اللى احنا عايزينه ..سيبهم ياكلوا ف بعض ... خليهم يقتلوا بعض .. الا ريرى .. دى انا عايزاها حية .. هيا بردو مضحوك عليها .. وبعدين احنا ما شوفناش العز ده الا على ايديها ..
العمدة : تؤمرينا بايه يا معلمة ؟؟...
ميمى : خلى ميسرة تقابل اللى اسمه عمر ده .. و خلى يرى تشوفهم سوا .. و العبوها انتوا بقي .. و قولولى على كل حاجة تحصل
العمدة : من عنيا يا معلمة ..


ريم تغادر منزل عمر .. ولم يكن عمر قد وصل بعد ..
تذهب الى الدكتور الذى تحدثت معه فى الهاتف ..
تدخل عيادة كبيرة .. و لافته مكتوب عليها ( د\ محمود خليفة .. اخصائى مخ و اعصاب )
محمود : اهلا .. ازيك يا ريم ؟؟
ريم : الحمدلله .. انتا عامل ايه يا دكتور ؟؟
محمود : بردو دكتور ؟؟.. مش هنبطل رسميات بقي ؟؟..انا محمود وانتى ريم ..
ريم : حاضر يا محمود ..
محمود : ايوة كدة .. هاه طمنينى بقي .. عاملة ايه ؟؟.. وايه اللى حصل مخليكى متوترة كدة ؟؟
ريم : مش كويسة خالص .. حصلت حاجات كتير اووى ... اولها انى كمنتش متخيلة خالص ان القدر هيوقعنى ف طريق سهير ..
محمود : سهير مين ؟؟؟
ريم : سهير ... والدة هاجر .. الله يرحمها ..
محمود : يااه ... اخيرا افتكرتى الناس دى ؟؟
ريم : تعرف انى كنت بحلم بيها كتير اووى ... بس انا مكنتش فاكرة حاجة خالص من ساعة الحادثة .. مكنتش فاكرة غير مازن .. حتى اسم هاجر كنت ناسياه
محمود : كنتى بتحلمى بيها وانتى مش فاكراها ؟؟
ريم : ااه ..و ده اللى كنت مستغرباه .. كنت فاكرة انى عمرى ما شوفتها .. حتى لما شوفتها قدامى مفتكرتهاش ..
محمود : طيب احكيلى كدة براحة افتكرتى ايه بالظبط ؟؟؟
ريم : افتكرت الحادثة اللى حصلت من 5 سنين .. وافتكرت موت مازن من 3 سنين .. و افتكرت كل حاجة حصلتلى من ساعتها .. المستشفى و الشارع اللى اترميت فيه ..
محمود : اهدى يا ريم .. من غير عياط ..
ريم : حاضر ..
محمود : طيب اهدى ..


فى منزل عمر ..
عمر : ريم ... ريم .. شكل مفيش حد هنا .. هتكون راحت فين بس ؟؟.. انا لازم اكلم ميسرة واقولها ..


فى العيادة
بعد ان تهدأ ريم ..
محمود : لو عيطى تانى هزعل منك بجد ..
ريم : حاضر يا محمود .. بس غصب عنى .. انتا عارف ان اللى حصل ده مش شوية ..
محمود : عارف .. بس العياط مش هيجيب نتيجة .. وبعدين انا عايز افهم بالظبط اللى حصل ومش هفهم حاجة طول ما انتى بتعيطى و لا ايه ؟؟
ريم : حاضر .. مش هعيط تانى اهو
محمود : طيب كملى بقي .. افتكرتى ازاى بالظبط
ريم : مش عارفة .. بعد ما شوفت سهير حسيت انى خايفة اووى .. و امبارح نمت .. وحلمت بيها تانى .. بعد ما كان بقالى فترة طويلة محلمتش بيها ..
محمود : وحلمتى بايه ؟؟؟؟

تتبع .....