ارواح عــاريــة #11

الحلقة الحادية عشر
-----------------------
فى العيادة
بعد ان تهدأ ريم ..
محمود : لو عيطى تانى هزعل منك بجد ..
ريم : حاضر يا محمود .. بس غصب عنى .. انتا عارف ان اللى حصل ده مش شوية ..
محمود : عارف .. بس العياط مش هيجيب نتيجة .. وبعدين انا عايز افهم بالظبط اللى حصل ومش هفهم حاجة طول ما انتى بتعيطى و لا ايه ؟؟
ريم : حاضر .. مش هعيط تانى اهو
محمود : طيب كملى بقي .. افتكرتى ازاى بالظبط
ريم : مش عارفة .. بعد ما شوفت سهير حسيت انى خايفة اووى .. بعدها بقيت بحلم كل يوم احلام غريبة اووى .. احلام من حياتى
محمود : وحلمتى بايه ؟؟؟؟
ريم : حلمت بمازن .. كان بيحكيلى عن هاجر


مازن : ريم .. ينفع اتكلم معاكى ف حاجة كدة ؟؟
ريم : حاجة ايه ؟؟... احكى على طول
مازن : صراحة كدة .. انا بحب واحدة معايا ف الكلية
ريم : واحدة مين .؟؟.. انا اعرفها ؟؟
مازن : لا .. بس هعرفك عليها ..
ريم : اسمها ايه ؟؟
مازن : هاجر .. هيا لسة ف سنة اولى بس انا عايز اخطبها ..
ريم : بس كدة يا حبيبى .. من عنيا .. هخطبهالك ..
مازن : مع انى الكبير هنا .. بس انتى بردو اختى اللى بحب اخد رايها ف كل حاجة
ريم : ربنا يخليك ليا يا حبيبى
مازم : ويخليكى ليا ..


و تكمل ريم كلامها وعلى وجهها ابتسامة ..
ريم : اليوم ده كان اجمل يوم بالنسبالى .. كفاية ان مازن كان معايا .. كان مبسوط اووى وهوا بيحكيلى عن هاجر ومواقفهم سوا وازاى عرفها وحبها ..
محمود : انا فاكر لما كنت بشوفه ف الكلية مع هاجر .. كان بيبقي مبسوك اووى ... بيكون مختلف تمام
ريم : ااه .. كان بيحبها اووى ..الله يرحمهم
محمود : طيب كملى .. حلمتى بايه تانى ؟؟
ريم : حلمت بالحادثة بتاعت مازن .. و ازاى مات بين ايدى ..
محمود : احنا مش قولنا مش هتعيطى تانى .؟
ريم : غصب عنى يا محمود .. اعمل ايه ؟؟
محمود : عارف يا ريم .. انا اللى كنت صاحبه بزعل اووى عليه .. انتى بقى تعملى ايه ؟
ريم : انا بطمن و انا بتكلم معاك لانى بحس ان مازن ما مامتش .. انتوا كنتوا اكتر من الاخوات و دى حاجة تطمنى
محمود : الله اعلم بحبى ليه وليكى .. احنا كنا دايما مع بعض .. لما بشوف صور التخرج و هوا جمبى اوقات بعيط .. دموعى بتنزل غصب عنى ..كان هيبقي احسن دكتور مخ واعصاب ف مصر كلها .. بجى العيادة واشتغل واعمل كل اللى اقدر عليه عشان عارف انه كان دايما بيشجعنى على كدة .. عمرى ما نسيت كلامه ابداا ..
ريم : ولا انا عمرى نسيت كلامه ..
محمود : ياااااااااه .. هوا انا بتكلم عشان اخليكى تعيطى ؟؟ ..
ريم : لا خلاص .. مش هعيط اهو ..
محمود : طيب نغير الموضوع بقي .. قوليلى عملتى ايه مع سهير ؟؟
ريم : هيا ما تعرفنيش اصلا يا محمود .. انا عارفاها شوفتها مرة لما كانت هاجر تعبانة ..
محمود : ااه .. فاكر انا الايام دى ..
ريم : ااه .. تصدق انى كنت بحلم بيها كل يوم .. بس مكنتش لسة افتكرتها
محمود : كنتى بتحلمى بايه ؟
ريم : كنت بحلم انى بقتلها ..
محمود : ايه ؟؟؟؟؟؟؟؟
ريم : ما تقلقش كدة ..انا مفكرتش ف كدة خاالص يا محمود .. بس مش عارفة ليه كنت بحلم بيها
محمود : ريم .. ركزى .. انتى عارفة ان اوقات اعقل الباطن بيجبرنا نعمل حاجات احنا ما نتوقعش نفسنا بنعملها .. ممكن تكونى انتى فكرتى ف انك تقتليها ..
ريم : عايزنى اعمل ايه يا محمود ؟... يمكن بفكر ف كدة فعلا .. انتا ناسى انها اللى قتلت مازن ؟؟؟
محمود : مين اللى قالك كدة ؟؟؟.. مش هيا يا ريم ..
ريم : لا هيا يا محمود .. قتلت مازن ف اليوم اللى بعدت عنه هاجر و هيا عرفة ان روحهم ف بعض .. قتلته لما موتت ابنه اللى لسة ما وصلش للدنيا .. قتلته لما بعدته عنى و سجنته بتهمة قتل هاجر .. مع انها هيا اللى قتلت هاجر كمان
محمود : طيب ممكن تهدى يا ريم .. عشان خاطرى ..
ريم ( وهى منهارة فى البكاء ) : اهدى ايه محمود .. انا الفترة اللى فاتت كنت بموت وانا بحاول افتكر اللى حصل .. وانتا عارف كويس ان فقدان الذاكرة اللى كان عندى .. كان بيموتنى اكتر لانى كان نفسى افتكر اللى حصلب لاخويا ؟؟... كان نفسى افتكر الوشوش اللى قتلته .. افتكر كل لحظة عدت عليا وانا بتعذب وانا مش عارفة اخد حقه من اللى قتله ..
محمود : انتى ليه مصممة انها هيا اللى قتلته ؟؟؟
ريم : عشان انا خلاص افتكرت كل حاجة يا محمود .. و افتكرت اللى حصل كله .. من ساعة وفاه بابا وماما .. وموت هاجر ...
محمود : طيب احكيلى كل حاجة ؟؟؟
ريم : مش هينفع خالص يا محمود .. انا لازم امشى ..
محمود : رايحة فين ؟... انتى مش هتمشى من هنا غير لما اعرف كل حاجة
ريم : مالهاش لازمة خالص انك تعرف ...
محمود : ريم ؟؟!!!!! .. انتى بتخططى لايه ؟؟
ريم : و لا حاجة يا محمود ..
محمود : ريم .. انا عارفك كويس و عارف انك عايزة تنتقمى لموت مازن .. بس اللى انتى بتفكرى فيه ده مش حل خالص
ريم : امال ايه الحل يا محمود ؟؟؟
محمود : طيب قوليلى الاول اللى ف دماغك .. وايه اللى انتى عارفاه وانا مش عارفه ؟؟
ريم : حاجات كتير اووووووووووووى .. اولها ان هاجر ما ماتتش .. هاجر انتحرت ..



اتصال من مجهول لتليفون عمر ..
عمر : الو ..
المتصل : استاذ عمر معايا ؟؟
عمر : ايوة .. مين معايا ؟؟
المتصل : انا بكلمك حضرتك من المستشفى .. الاستاذة ريم موجودة هنا .. حصلتلها حادثة و مكنش معاها غير رقم حضرتك
عمر : ايه ؟؟... طيب ممكن العنوان ؟؟؟
المتصل اكيد يا فندم ...


بعد ان يغادر عمر المنزل يتصل بميسرة ..
عمر : ميسرة .. تعالى حالا ..
ميسرة : فى ايه ؟؟
عمر : ريم فى المستشفى .. كلمونى دلوقتى و بلغونى انها عملت حادثة .
ميسرة : ايه ؟؟ .. طيب انا جاية حالا ..
عمر : انا كان مالى ومال المصايب دى ؟؟..
ميسرة : خلاص بقي .. انا جاية حالا .. سلام


فى المستشفى
عمر : اتصلوا بينا من شوية وبلغونا انها هنا ..
....: يا فندم مفيش حد جه هنا ولا حد اتصل ..
عمر : يعنى ايه ؟؟.. وايه اللى هيخلينى اكذب عليك ؟؟
...: وايه اللى هيخلينى اكذب انا كمان .. حضرتك السجل اهو و اتفضل دور بنفسك .. مفيش اى حالات دخلت المستشفى خالص النهاردة
ميسرة : خلاص يا عمر .. يالا بينا ..

و ينظر عمر الى ميسرة ..و يفهم انه كان اتصال كاذب ..
و يخرجان من المستشفى ليبدءا فى النظر الى بعضهما
عمر : هااه .. قولى اللى عندك ؟؟؟
ميسرة : تفتكر ريم اللى عملت كل ده ؟
عمر : او ممكن ميمى ..؟؟
ميسرة : ميمى ما تعرفش اننا مع بعض .. بس ريم تعرف .. سمعت مكالمتنا مع بعض ..
عمر : ايه ؟؟.. يبقي كدة عرفت كل حاجة .. واكيد بتاكد اننا مع بعض ؟؟
ميسرة : اكيد .. هيا اتصلت بيا وانا قولتلها تبعد .. بس تبعد معايا عشان تكون تحت عينى ..
عمر : معقول تكون فهمت كل حاجة ؟؟
ميسرة : اكيد .. يالا بينا ..

وتمر سيارة من امامها ل ينزل منها رجالا يدفعونهم الى داخل السيارة ..

تتبع .....