الحلقة السابعة
-------------
ف بيت سهير
محمود : مطمنة كدة يا سهير ؟؟.. اهو الحمدلله مفيش اى حاجة حصلت تانى ..
سهير : ااه الحمدلله ..
محمود : اتصرفى بقي عادى ولا كأن فيه حاجة ..
سهير : ربنا يستر .. انا هنزل بكرة اروح لعبير اختى ..
محمود : لازم يعنى الزيارة دى ؟؟
سهير : ااه .. بقالى كتير ما شوفتهاش ووحشتنى
محمود : طيب .. انا كمان بكرة هخلص الشغل و اروح اقعد مع صحابى شوية عالقهوة
سهير : خلاص .. انا هقوم بقي انام احسن الوقت اتاخر
فى منزل عمر ..
ريم : عمر .. عمر ... عـــمـــــــــــــــــر ..................
و تجد عمر مكتوف اليدين ومكمم الفم وملقى على الارض .. واثار الضرب ظاهرة على وجهه
و كان ذلك الضجيج الذى ايقظها من المؤكد انه صوت الضرب الذى تلقاه عمر
تجرى ريم ناحية عمر و لكنها تجد نفسها بين يدى رجلان من اولئك الرجال الضخام البنية .. ومن شدتهما وقوتهما ترتفع من على الارض
يصدر صوت انين عن عمر كانه يحاول ان يصرخ بالرجلان ليبعدا ايديهما عن ريم ... او انه يحاول النهوض لينقذها من بين يديهما .
و تصدر صرخة عالية من ريم .. و لكن سرعان ما يكمم احد الرجلان فمها وثم يقوم بربط يديها ويلقى بها الى الارض جانب عمر .. فتحرك نفسها خطوة لتسند نفسها الى عمر ..
و يسحب الرجلان كراسى ليجلسا امام ريم وعمر .. و يبدءا فى تدخين السجائر كانهما ينتظران شيئا ما او ينتظران اوامر ..
و ينظر عمر وريم الى بعضهما فى استغراب وخوف .. كانهما ينتظران ما سيحدث بهما ...
و يقطع ذلك الخوف صوت الهاتف .. و ينتفض جسد ريم فجاة .. و يحاول عمر ان يطمئنها بايمائه فيحرك راسه و يلقى بنظره بعيدا مشيرا الى هاتف الرجل .. فيستمعا بتركيز الى كل ما يقال ..
و يبدأ الرجل فى التحدث ..
الرجل ( الو .. ايوة يا معلمة كله تمام ... ااه لقيناها هيا و معاها واحد كدة اول مرة نشوفه .. حاضر .. انتى ؤمرى يا معلمة .. سلام )
و يقوم الرجل من مكانه ليقترب من ريم وعمر .. و يتبعه الرجل الاخر ..
الرجل يتوجه بالكلام الى ريم ..
المرة دى هنعديها بمزاجنا .. و ده بس عشان نقولك لو هربتى وروحتى فين هنجيبك وهنعرف مكانك .. المعلمة بتقولك لو نطقتى او اتكلمتى عن اى حاجة هيكون اخر يوم ف عمرك انتى وحبيب القلب ..( و يضرب عمر برجله .. ويلتفت مرة اخرى الى ريم ) .. من بكرة ترجعى الشغل ولو فكرتى تهربى كدة او كدة هنقتل حبيب القلب و هنقتلك وراه . وماتخافيش هنعرف نوصلك ..
و يشهر الرجل الاخر مسدس فى وجه عمر .. و يحدثهما ..
هنفككوا بس لو سمعنا صوت اى حد فيكوا هتموتوا انتوا الاتنين ..
و يبدأ الرجل الاخر يفك رباطهما و يزيل تلك الكمانة التى على فمهم .
و يتركاهما و يذهبا ..
تلقى ريم بنفسها الى احضان عمر و تبكى بغزارة . فيضمها اليه اكثر و يربط على كتفيها ليهدأ من روعها .
ريم : انا اسفة .. كل ده بسببى .
عمر : المهم انك كويسة .. مش مهم اى حاجة تانية خالص .
ريم : انا هبعد عن حياتك .. انا مش عايزة اسببلك مشاكل تانى
عمر : بطلى اللى انتى بتقوليه ده .. انا اللى خايف عليكى اووى ومش عايز اى حاجة تحصلك ..
فى الكباريه :
اتصال مجهول ( الو .. نزلتوا ؟؟... و ايه اللى حصل ؟؟.. تمام .. كملوا بقي اللى قلتلكوا عليه ... اتصلوا بيه .. و اوعوا تتلغبطوا ... و بلغونى باللى يحصل )
فى منزل عمر ..
عمر : انا هنزل اجيب حاجات من تحت .. مش هتاخر ..
ريم : ماشى ..
عمر : ما تخافيش .. محدش هيجى تانى ..
ريم : ماشى .. بس ما تتاخرش ..
عمر : حاضر .. نص ساعة وهكون هنا ..
ريم : طيب ... خد بالك من نفسك
و يغادر عمر ... و بعد لحظات يرن هاتفه و تكتشف ريم انه قد نسى الموبايل بالمنزل ..
تترد لحظات ان ترد على الهاتف ولكنها تحدث نفسها قد يكون عمر يتصل من سنترال ما .. فترد على الهاتف دون ان تتحدث حتى تتاكد انه هو المتصل ..
( الو .. ازيك يا كبير .. المعلمة بتمسى عليك وبتقولك معلش ايدنا كانت جامدة عليك شوية .. بس زى ما اتفقنا حاول تخليها تخاف من اللى حصل .. وفلوسك هتوصلك قريب .. سلام )
و بعد ان ينغلق الخط .. تقف ريم فى صدمة شديدة .. لا تعرف ما الذى حدث .. وكان شخصا القى عل راسها قالب من الثلج ..
و بدأت تحدث نفسها ...
ريم ( معقول يكون عمر معاهم ؟؟... يعنى بيتفق معاهم عليا عشان الفلوس .؟... طيب هما مين ؟؟.. المعلمة تبقي مى اكيد ... هيا اللى عايزانى ارجع الشغل ؟.. ممكن يكون عمر متفق معاهم من الاول ؟؟.. و تكون ميمى هيا اللى خلته يقابل ميسرة .. ممكن يكون بيلعب على ميسرة كمان ؟؟...
انا لازم اتاكد من الكلام دة ؟.. لازم احذر ميسرة كمان ..
و تمسك ريم التليفون و تحاول الاتصال بميسرة .. ولكن الموبايل يرن بيدها ..
ترد دون تردد
ريم : الو ...
عمر : الو .. ريم انا عمر .. معلش نسيت التليفون ف البيت
ريم : ااه ما انا اخدت بالى ..
عمر : ريم عايز اسالك على حاجة ؟
ريم : ايه ؟؟
عمر : انتى فى حاجة انا مش عارفها ؟؟
ريم : قصدك ايه ؟
عمر : انتى فى حاجة بينك وبين الناس دى ؟؟
ريم : ايه ؟؟... ناس مين ؟؟
عمر : الكلام اللى هما قالوه ؟؟... و انهم سابونا ومش عملوا حاجة خالص؟؟
ريم : شوف انتا بقي ؟؟.. يمكن انتا اللى تعرفهم ..
عمر : ايه ؟؟؟؟؟؟؟؟؟؟؟؟
تتبع ...
يا رب تعجبكوا ...
وحشنى التفاعل معاكوا اوووى
ليست هناك تعليقات:
إرسال تعليق