تقوم فريدة تتكلم ف البلكونة وتروح اروى وراها ...
احمد " ااه .. احمد .. كنتى منتظرة تليفون من حد تانى ؟؟ .."
فريدة " لا .. حد مين يعنى ؟؟ "
احمد " طيب كويس .. المهم عاملة ايه ؟؟ "
فريدة " الحمدلله ....."
احمد " كنتى بتعملى ايه بقي ؟؟ "
فريدة " عادى كنت بتكلم مع البنات .."
احمد " ااه .. اوعوا تكونوا بتجيبوا سيرتى ؟؟ "
فريدة " ونجيب سيرتك ليه ؟؟ "
احمد " يعنى متاكدة انكوا ما اتكلمتوش عليا ؟؟ "
فريدة " لا ما اتكلمناش عليك .. "
احمد " طيب ... هوا انا مضايقك بكلامى ولا حاجة ؟؟ "
فريدة " .... لا ... "
احمد " لا .. مترددة ليه طيب ؟؟.. "
فريدة " لا عادى يعنى .. "
احمد " طيب .. تعرفى ان ياسين صاحبى مابطلش كلام على قريبتك... "
فريدة " قريبتى انهى فيهم ؟؟ "
احمد " السمراء الجميلة دى .."
فريدة " ايوة انهى واحدة بقي ؟؟ ... اروى ولا نغم .. "
احمد " لا نغم .. اروى اكيد غنية عن التعريف .. هيا قريبتك صح ؟؟ "
فريدة " مممم بنت خالتى .. "
احمد " هيا مرتبطة ؟؟ "
فريدة " ايه ؟؟... ليه بتسال يعنى ؟؟ "
احمد " صراحة ياسين كان عايز يكلمها .. يعنى معجب بيها .... "
فريدة " مممم ... وهوا يعنى يعرفها منين ؟؟ "
احمد " شافها النهاردة معاكى ؟؟ "
فريدة " بس هوا ده يعنى كفاية انه يعجبب بيها ؟؟ "
احمد " ااه .. ايه اللي يمنع انهم يتعرفوا علي بعض ؟؟ .."
فريدة " يعنى هوا معجب بالشكل بس !!! "
احمد " لا كفاية انها قريبتك انتى .. "
فريدة " ... مممم ... بس بردو انتا بتقولى ليه ؟؟ "
احمد " يعنى كلميها ويا ريت لو تجيبى رقم تليفونها يبقى كويس اووى .."
فريدة " بس انا مش هينفع اقولك رقم تليفونها .. دى حاجة تخصها هيا .."
احمد " طيب انتى ممكن تقوليها وتقنعيها يعنى .. هوا عايز يتعرف عليها .."
فريدة " طيب ماشى هكلمها واقولك رأيها ... "
احمد " وفى حاجة كمان .... "
فريدة " ايه ؟؟ "
احمد " احنا بقي ... "
فريدة " احنا ايه ؟؟ .."
احمد " فريدة انا معجب بيكى جداا ..."
فريدة " احمد خلينا صحاب احسن ... بلاش نعقد المواضيع بينا .... "
(( تضربها اروى ف كتفها .. ))
احمد "صدقينى يا فريدة انا مش زى اى حد ممكن تكونى عرفتيه ف حياتك .... "
فريدة " وانا مش زى اى بنت ممكن تكون فاكر انك فاهمها .... بلاش نتكلم ف مواضيع ملهاش لازمة .. خلينا Friends وبس .. "
أحمد " ماشى يا فريدة ... عالعموم انا هبقى اتصل بيكى تانى عشان اعرف رأى نغم ف الموضوع .. "
فريدة " ماشى ...سلام .."
احمد " سلام .."
*******************
اروى وفريدة ف البلكونة ...
اروى " ايه ؟؟ .. قالك ايه ؟؟ "
فريدة " بيقول ان ياسين صاحبه عايز يرتبط بـ نغم .. "
اروى " ايه ؟؟؟ .. بجد ؟؟!! "
فريدة " ااه بجد .. بيقولى عايز رقمها ... "
اروي " طيب يا هبلة ما اديتيهوش الرقم ليه ؟؟ "
فريدة " لا طبعا ما ينفعش ... لما اقولها الاول .. "
اروى " يا سلام .. مش هيا اللي كتبت رقمك لـ احمد بردو .. اعملى زيها .. "
فريدة " لا يا اروى ما ينفعش .. طيب انا شايفة انها غلطانة هعمل زيها ؟؟ .."
اروى " هبلة انتى وهيا .. سيبك انتى .. المهم قال ايه تانى ؟؟ "
فريدة " عادى .."
اروى " لا مش عادى .. قولى اخلصى انا سمعتك بتقولى خلينا صحاب احسن ؟؟... قالك ايه بقى ؟ "
فريدة " بيقول انه معجب بيا .. بس انا قلتله مش هينفع نرتبط ببعض .. وخلينا صحاب .."
اروى " يخربيتك .. ليه يا زفتة ؟؟.. الواد مش هيتعوض اصلا ..انا مش عارفة معجب بيكى علي ايه ؟؟ "
فريدة " والله .. ليه انا وحشة يعنى ؟؟... ده انا الف مين يتمنانى ياختى .."
اروى " اشوف واحد بس معاكى وخلي ال999 التانيين مش عايزينهم ... البلد مليانه بنات .."
فريدة " ههههههه .. لو عاجبك احمد اووى كدة خديه ..."
اروى " واسيب خالد ؟؟... لا طبعا ما ينفعش .."
فريدة " ايوة يا عم الحنين انتا .. المهم تعالى نقول للموكوسة التانية .."
******************
البنات ال4 مع بعض
فريدة " هاه ايه رايك .. ابعتله رقمك ؟؟ "
اروى " اكيد مش محتاجة كلام .. "
نغم " هوا ايه اللي اكيد ده ؟...اسكتى انتى خالص ... "
اروى " يا بت انتى تطولى .. ده الواد حلو اووى صراحة .. لو انا مش مرتبطة ماكنتش سيبته ف حاله اصلا .. "
نغم " خلاص خديه انتى ... انا مش عايزة اعرف حد...... "
مريم " يا سلام ؟؟ .. وانتى يعنى بتقولى لـ فريدة ترتبط وانتى مش عايزة ؟؟ "
نغم " بس ده واحد ما اعرفهوش اصلا ... "
مريم " خلاص كلميه واعرفيه ..."
نغم " لالالا مش هينفع خالص .. ايه اللي معجب بيا ده وهوا ما شافنيش غير مرة واحدة بس .. "
اروى " نغم !!!! .. مش انتى بتقولي الحب بيبقى من اول نظرة ؟؟ ... ولا وقت الجد بتنسى كلامك ؟؟ "
نغم " يا بنتى ده واحد ما يعرفش اسمى حتى ... "
اروى تاخد تليفون فريدة .. تكتب رسالة ..
نغم " بتعملى ايه ؟؟ .."
اروى " ارسال .. بس كدة .. بعت رقمك لـ احمد .. "
نغم " انتى بتستهبلى يا اروى ؟؟ .... طيب انا مش هرد على حد .. وهقفل التليفون كمان ...."
اروى " طيب ابقي اعملى كدة وانا هوريكى هعمل فيكى ايه ؟؟ "
نغم " نعم يا ختى .. والله انا حرة بقي ... "
اروى " طيب اما نشوف .. "
*******************
نغم ومريم بيتكلموا مع بعض ..
نغم " طيب بتعيطى ليه دلوقتى ؟؟ "
مريم " يعنى انتى مش شايفة اللي هما بيعملوه ؟؟ "
نغم " هما عملوا ايه بس ؟؟ "
مريم " يعنى بالنسبالهم عادى انهم يحبوا ويرتبطوا و يعملوا اللي هما عايزينه .. بس تيجى لحد عندى وتوقف ؟؟ "
نغم " مين اللي قالك كدة ؟؟ ... الاعتراض مش علي عمر يا مريم .. الاعتراض على انك عايزة ف الاخر تعيشى ف الصعيد وانتى فاكرة الموضوع سهل ؟ "
مريم " يا سلام ؟؟ .. اشمعنى يعنى الست اروى ؟؟ .. ولا هيا عشان حبيبتكوا .."
نغم " يا مريم هوا ايه اللي اشمعنى ؟؟... يعنى لو اروى انتحرت هتقولى اشمعنى ؟؟ "
مريم " وليه يعنى .. خلاص يا ستى .. انتوا حبايب ف بعض .. خلينى انا كدة لوحدى ؟؟ "
نغم " يالهوى .. يا بت هوا حد قالك حاجة ؟؟ ... احنا كل اللي قولناه انه ما ينفعش الجواز دلوقتى .. انتى لسة صغيرة يا مريم .."
مريم " انا مش صغيرة .. انتوا اللي علي طول شايفينى صغيرة ..."
نغم " والله انا ما عارفة اعملك ايه ؟؟ .. بصى احنا بناخد راى بعض اهو قدامك .. ولما واحدة بتقول رايها ف حاجة كلنا بنعمل برايها حتى لو كلنا معترضين ... انتى بقي طلبتى رأينا .. وطالما انتى مش عايزة تسمعى كلامنا يبقى بتاخدى راينا ليه من الاول ؟؟ "
مريم كنت فاكرة انكوا هتحسوا بيا ....."
نغم " يا مريم انا اكبر منك وشفت ف الدنيا اكتر منك .. وبيقولوا اكبر منك بيوم يعرف عنك بسنة .. ولا ايه ؟؟ "
مريم " هوا انا بقول انى همشى معاه .. انا هتجوز على سنة الله ورسوله .."
نغم " طيب استنى لما تخلصى ثانوى حتى ؟.؟ "
مريم " لا .. مش هستنى انا هخلى عمر يكلم بابا .."
نغم " طيب خلاص .. انتى حرة .. "
******************
احمد يتصل بـ فريدة ...
احمد " الو ... ازيك يا فريدة ؟؟ "
فريدة " الحمدلله .. انتا عامل ايه ؟ "
احمد "الحمدلله ... معلش ما شفتش الرسالة اللي بعتيها امبارح .. لسة شايفها حالا .."
فريدة " رسالة ايه ؟؟ "
احمد " الرسالة اللي بعتيلى فيها رقم نغم ..."
فريدة " ااه .. ااه نسيت سورى .. "
احمد " ولا يهمك .. بس انتى بتنسى كتير اووى اليومين دول ؟؟.."
فريدة " ااه معلش بقي .. استحملنى شوية .."
احمد " لا لالا .. بهزر والله ...المهم يا ستى شكرا جداا انك اقنعتيها انها تتعرف علي ياسين ... "
فريدة " بس مش انا اللي اقنعتها ... اروى اللي كلمتها اصلا .. "
احمد " اشكري اروى نيابة عنى انا وياسين ... هوا انتوا علي طول كدة مع بعض ؟؟؟ .. "
فريدة " لا بس ف الاجازات بنتجمع دايما عند نغم هنا عشان بيت العائلة وكدة ... بس ف الايام التانية علي طول تليفونات بقي .. "
احمد " ااه شكلكوا قريبين اووى من بعض .. "
فريدة " ااه جدااا ... ملناش غير بعض .."
**********************
نادر يشوف فريدة وهيا تتكلم ف التليفون ...
يدخل اوضة محمود متعصب ...
فريدة تكمل كلامها مع احمد ..
نادر يفضل متعصب ويفكر هيا ممكن تكون بتكلم مين ؟؟
*********************
تخلص فريدة مكالمتها وبعدها تكلم نغم ..
فريدة " احمد بيقول ان ياسين هيتصل بيكى بليل .. "
نغم " انا مش عارفة ايه الواقعة السودا اللي انتوا هتوقعونى فيها دى ؟؟.."
فريدة " وانا مالى .؟؟.. وبعين تستاهلى .. مش انتى اللي اديتى رقمى لـ احمد ... اشربى بقي .."
نغم " كله من اروى .."
فريدة " هههههه تستاهلى ... "
نغم " ماشي يا ختى .. المهم .."
فريدة " ايه ؟؟ "
نغم " خفوا شوية علي مريم ... هيا بردو من حقها تعيش حياتها .."
فريدة " لا يا نغم هوا احنا بنعملها حاجة ... انتى بتشوفى هيا بتتكلم ازاى .. شايفة ان احنا دايما ظالمينها و ان احنا مش بنحبها .. ومش بتاخد براينا .. وف الاخر تقول انتوا اللي مش بتقفوا جمبى ..."
نغم " عرفتى منين انها قالت الكلام ده ؟؟... "
فريدة " لان ده كلامها علي طول .. واتى عارفة كويس اننا بنحبها وبنخاف عليها .. بس هيا شايفة الخوف ده انه تحكم .."
نغم " بس بردو احنا مش منطقيين خالص .. يعنى هوا حلو لينا ووحش ليها ...؟؟ "
فريدة " يا نغم انتى بتقارنى ده بده ؟؟.. دي حاجة ودى حاجة .. وبعدين احنا محدش فينا اتكلم على جواز ف السن ده .. لسة بدري اووى .. هيا اصغر واحدة فينا .. ومش عارفة ان اكيد والدة على عايزاه يتجوز عشان تجيب واحدة تخدمها وتشيل عنها .. ومريم مش هتستحمل ده ؟؟ "
نغم " هنعمل ايه يعنى .. خلينا نوقف جمبها احسن ما نكون ضدها .. "
فريدة " ماشى ... هيا فين اروى ؟؟ "
نغم " تحت تقريبا ... "
اروى " طيب انا هنزل انا كمان .. "
****************
اروى وفريدة بيتكلموا مع بعض ..
مريم نايمة ...
نغم واقفة ف المطبخ لوحدها ..
نادر يروح يكلم نغم ف المطبخ ...
نادر " نغم .. عايز اتكلم معاكى شوية .. "
نغم "ااه طبعا يا نادر .. اتفضل .. "
نادر " لا مش هينفع هنا .. خلصى واطلعى فوق .. هستناكى ..."
نغم " طيب .. بس خير فى حاجة ؟؟ ... "
نادر " لما تخلصى بس .. "
*********************
نغم تخلص وتطلع لـ نادر ...
نغم " خير ؟؟.. قلقتنى .."
نادر " لا ما تقلقيش ولا حاجة ... عايز ادردش معاكى شوية .. بلاش ؟ .. "
نغم " لا طبعا يا نادر .. براحتك .. "
نادر " طيب يا ستى .. المهم انتى عاملة ايه ؟؟.. "
نغم " الحمدلله .. "
نادر " ايه اخبار الكلية ؟؟ "
نغم " تمام .. بس هااااه لخص بقي .. فى ايه ؟؟ "
نادر " صراحة هوا كان فى سؤال كدة ؟؟..."
نغم " ااه ؟؟؟...ايه بقي ؟؟؟...."
نادر " فريدة ...."
نغم " مالها ؟؟؟ .. "
نادر " هيا بتكلم حد ؟؟؟ .."
نغم " ازاي يعنى ؟؟ "
نادر " يعنى ؟.. مرتبطة ولا حاجة ؟؟؟ ............. "
******************
فريدة واروى ف الاوضة ...
تليفون نغم يرن ...
اروى " ده رقم ... اكيد ياسين .. فين الزفتة دى ؟؟؟ "
فريدة " مش عارفة .. كانت ف المطبخ من شوية .."
اروى " طيب ارد عليه ..؟؟؟؟ "
فريدة " هتقولى ايه ؟؟ "
ترد اروى ..
اروى " الو .. لا مش نغم ... انا اروى .. معلش بقي .. لا نغم بس بتجيب حاجات وجاية .. ممكن تكلمها كما شوية ... ااه .. ولا يهمك .. سلام .. "
تقوم فريدة تنادى علي نغم .... "
نتقابل الحلقة الجاية
يا رب تعجبكوا .. :) :)
